Dr. Panjabrao Deshmukh Vastigruh Nirvah Bhatta Yojna

Last updated on October 1st, 2024 at 02:36 pm

डॉ. पंजाबराव देशमुख वसतिगृह निर्वाह भत्ता योजना

महाराष्ट्र शासनाच्या उच्च व तंत्रशिक्षण विभागाकडून तंत्रशिक्षण संचालनालयाच्या अखत्यारितील शासकीय, शासन अनुदानित व कायम विनाअनुदानित महाविद्यालये/ शासकीय विद्यापीठे व त्या विद्यापीठांतर्गत येणाऱ्या उपकेंद्रामधील (खाजगी अभिमत विद्यापीठे/ स्वयं अर्थसहाय्यित खाजगी विद्यापीठे वगळून ) मान्यता प्राप्त व्यावसायिक अभ्यासक्रमांसाठी केंद्रीभूत प्रवेश प्रक्रियेव्दारे ( व्यवस्थापन कोटयातील / संस्था स्तरांवरील प्रवेश वगळून ) प्रवेशित ज्या विद्यार्थ्यांचे पालक अल्प-भूधारक शेतकरी / नोंदणीकृत मजूर / आर्थिकदृष्ट्या दुर्बल घटकातील आहेत अशा विद्यार्थ्यांसाठी “डॉ. पंजाबराव देशमुख वसतिगृह निर्वाह भत्ता योजना” ( Dr. Panjabrao Deshmukh Vasatigruh Nirvah Bhatta Yojna ) लागू केली आहे. सदर निर्वाहभत्ता योजना सन 2016-17 पासुन लागू केली आहे.

• योजनेच्या लाभासाठीचा संच ( Quota ) व शै.वर्ष 2023-24 पासून लाभाची रक्कम खालील प्रमाणे –

सदर योजनांची मंजुर रक्कम विद्यार्थ्यांना त्यांच्या आधार संलग्नित बँक खात्यामध्ये डीबीटी पोर्टलद्वारे जमाकरण्यात येते.

संच ( Quota ) –

अ.क्र.	प्रकार	राज्याच्या प्रत्येक जिल्हया-साठीचा संच (Quota)
1	ज्या विद्यार्थ्यांचे पालक अल्पभूधारक शेतकरी किंवा नोंदणीकृत मजूर आहेत.	सर्व पात्र विद्यार्थी
2	आर्थिक दृष्टया दुर्बल घटकातील विद्यार्थ्यांसाठी ( कुटुंबाचे वार्षिक उत्पन्न मर्यादा - 1 लाख पर्यंत )	सर्व पात्र विद्यार्थी
3	आर्थिकदृष्टया दुर्बल घटकातील विद्यार्थ्यांसाठी ( कुटुंबाचे वार्षिक उत्पन्न मर्यादा - 1 लाखापुढे ते 8 लाख पर्यंत )	500 पर्यंत मर्यादित संच ( 33 टक्के महिलां-करिता राखीव व अभ्यासक्रम निहाय गुणवत्ते नुसार )

लाभाची रक्कम ( रुपयांत )

अ.क्र.	भत्ता	मुंबई शहर, मुंबई उपनगर, नवी मुंबई, ठाणे, पुणे, पिंपरी चिंचवड, नागपूर या शहरांत उच्च शिक्षण घेणारे विद्यार्थी.	इतर महसुली विभागीय शहरांतील व उर्वरित क वर्ग महानगरपालिका क्षेत्रामध्ये उच्च शिक्षण घेणारे विद्यार्थी	इतर जिल्हयांच्या ठिकाणी उच्च शिक्षण घेणारे विद्यार्थी.	तालुका ठिकाणी उच्च शिक्षण घेणारे विद्यार्थी.
1	भोजन भत्ता	32,000/-	28,000/-	25,000/-	23,000/-
2	निवास भत्ता	20,000/-	15,000/-	12,000/-	10,000/-
3	निर्वाह भत्ता	8,000/-	8,000/-	6,000/-	5,000/-
	एकूण रक्कम	60,000/-	51,000/-	43,000/-	38,000/-

वरील योजनांचा लाभ घेण्यासाठी अर्ज करण्याची पध्दत :-

1) संस्थेमध्ये शिकणाऱ्या पात्र विद्यार्थ्यांनी वरील योजनांचे ऑनलाईन अर्ज महाराष्ट्र शासनाच्या महाडिबीटी पोर्टल (URL – https://mahadbt.maharashtra.gov.in) वर देण्यात आलेल्या युजर मॅन्युअल व सुचनांचे पालन करुन, डिबीटी पोर्टलवर दर्शविण्यात आलेल्या वेळापत्रकानुसार संपुर्ण अर्ज ऑनलाईन पध्दतीने भरावे.

Directorate of Technical Education, Maharashtra State तंत्रशिक्षण संचालनालय, महाराष्ट्र राज्य

डॉ. पंजाबराव देशमुख वसतिगृह निर्वाह भत्ता योजना

वरील योजनांचा लाभ घेण्यासाठी अर्ज करण्याची पध्दत :-

Directorate of Technical Education, Maharashtra State
तंत्रशिक्षण संचालनालय, महाराष्ट्र राज्य