• महाराष्ट् शासन
  • Government of Maharashtra
  • उच्च व तंत्रशिक्षण विभग
  • Higher & Technical Education Department

Director’S Desk

Last updated on ऑक्टोबर 18th, 2020 at 10:06 am

संचालकांचा संदेश

abhay
डॉ. अभय वाघ

तांत्रिक शिक्षण हा पदविका, पदव्युत्तर पदविका , पदवी आणि पदव्युत्तर पदवी अभ्यासक्रमांच्या  माध्यमातून तांत्रिक शिक्षण हा मानवजातीच्या हितासाठी , सेवेसाठी ,आयुष्यातील तेजस्वी उंची गाठण्यासाठी ज्ञानाच्या अग्रगण्य दिशेने  असंख्य तरुणांसाठी करिअरचे प्रवेशद्वार आहे.  तांत्रिक शिक्षण हा शिक्षणाच्या प्रवाहातील बहुस्वीकृत मार्ग आहे .

महाराष्ट्र राज्यात तंत्रशिक्षण संचालनालयाची स्थापना अभियांत्रिकी, आर्किटेक्चर, फार्मसी आणि हॉटेल मॅनेजमेंट अँड केटरिंग टेक्नॉलॉजी अभ्यासक्रम राबविणाऱ्या  तांत्रिक संस्थाद्वारे  राज्याच्या विविध भागात राज्य शासनाने तसेच केंद्रशासनाने  आखलेले  धोरणे, नियम, मार्गदर्शक तत्त्वे आणि धोरणांचे अंमलबजावणी करण्याकरिता करण्यात आलेली आहे. महाराष्ट्र राज्यातील सुमारे १६०० तांत्रिक शिक्षण संस्था अमरावती, औरंगाबाद, मुंबई, नागपूर, नाशिक आणि पुणे या  ६ विभागीय कार्यालयांच्या द्वारे  विकास व पर्यवेक्षणासाठी  संचालनालयाच्या अधिपत्याखाली आहेत.
धोरणाची आखणीतून  शासकीय संस्थांमध्ये पायाभूत सुविधा विकसित करणे, खासगी संस्थांना मार्गदर्शन करणे,

व्यावसायिक संस्था आणि नामांकित राष्ट्रीय स्तरावरील संस्थांशी सुसंवाद वाढविणे हे तंत्रशिक्षण संचालनालयाचे उद्दिष्ट  आहे. विविध अभ्यासक्रमांमध्ये प्रवेश घेतलेल्या आर्थिकदृष्ट्या मागासवर्गीय, अल्पसंख्याक आणि महिला विद्यार्थ्यांसाठी शिष्यवृत्तीच्या विविध सरकारी योजनांची यशस्वी अंमलबजावणी करण्यासाठी संचालनालयाचे मोलाचे योगदान आहे.आर्थिक उपक्रमात भर म्हणून  संचालनालयाचे  उद्योगाद्वारे अनुदानीत सीएसआर कार्यक्रम आयोजित करण्यात  मोलाचे योगदान आहे. सीआयआयआयएलपी, टेक्यूप  अशा विविध प्रकल्पांची योग्यरित्या हाताळणी,  निधीचे वितरण व देखरेख ठेवण्यात आली असून महाराष्ट्र राज्यातील तांत्रिक शिक्षणाच्या उन्नतीसाठी अर्थसहाय्याचा उपयोग केला आहे.
सीईटी कक्ष यांना सर्व अभ्यासक्रमांचे स्वतंत्र , निष्पक्ष व पारदर्शक पद्धतीने कालबद्ध प्रवेश प्रक्रिया राबविण्यासाठी  पुढाकार घेवून सहाय्य करणे हे संचालनालयाचे एक वैशिष्ट्यपूर्ण कार्य आहे. तंत्र  शिक्षणाच्या  गुणवत्ता वाढीसाठी, उत्कृष्ट कामगिरी केलेल्या संस्थांना स्वायत्त दर्जाची मान्यता देण्यास संचालनालयाने प्रयत्नांमध्ये कोणतीही कसर सोडली नाही, ज्यामुळे तांत्रिक शिक्षणाच्या  दर्जा सुधारण्यात झालेली फलनिष्पत्ती दिसून येते. संचालनालया द्वारे  इतर राज्ये आणि राष्ट्रीय विभाग व संघटनांशी समन्वय साधून  त्यातून मोठ्या प्रमाणात उद्योग व समाजाच्या सुसंगत विकासास हातभार लावण्यात येतो.

परदेशात उपलब्ध असलेल्या दर्जेदार शैक्षणिक संधी महाराष्ट्रात उपलब्ध करण्यासाठी अश्या संस्थासोबत सामंजस्य स्थापित करून सदरच्या संधी राज्यातील विद्यार्थ्यांना उपलब्ध करण्यासाठी संचालनालय प्रयत्नशील  आहे.

रोजगाराच्या अपेक्षित संधी उपलब्ध करण्यासाठी उद्योगधंदया सोबत सुसंवाद साधून तंत्रशिक्षणातील विद्यार्थ्यांना जागतिक स्तरावर रोजगाराच्या संधी उपलब्ध करण्यासाठी संचालनालय कार्यरत आहे. आपल्या तरुण विद्यार्थी व शिक्षकांमध्ये अधिक उत्साह आणि उत्तेजन देऊन स्वदेशी नाविन्यपूर्ण कल्पनांना वाव देवून राज्याची  व देशाच्या  प्रगतीहोणे बाबतच्या  विचारसरणीची दखल घेण्याची   ही योग्य वेळ आहे.

महाराष्ट्रातील उत्साही तरुणाईला दर्जेदार, करिअर आणि  व्यवसायाभिमुख तांत्रिक शिक्षणाची हमी देण्यासाठी, संचालनालय उत्कृष्टता गाठण्याबाबत अथक  प्रयत्नशिल असेल.

संचालक या नात्याने, मी राज्यातील तांत्रिक शिक्षणातील सर्व भागधारक आणि भविष्यात सक्षम तंत्रज्ञ निर्माण करण्यासाठी राष्ट्रीय स्तरावरील सर्व संबंधितांकडून  सहकार्य, समन्वय, सहयोग व समर्थनाची  अपेक्षा करतो व त्यायोगे भविष्यात पात्र व सक्षम अभियंते निर्माण करण्याची खात्री देतो.

डॉ. अभय वाघ ,
संचालक,
तंत्रशिक्षण संचालनालय
प्रोफाइल