तंत्रशिक्षण क्षेत्रात डिजिटल परिवर्तन, ई-शासन, शैक्षणिक गुणवत्तावृद्धी, उद्योग-संस्था सहकार्य, संशोधन व नवोन्मेषाला प्रोत्साहन, प्राध्यापक क्षमता विकास, कौशल्यवृद्धी, पारदर्शक प्रवेश प्रक्रिया आणि नागरिकाभिमुख सेवा वितरण यांना अधिक प्रभावी करण्यासाठी संचालनालय कटिबद्ध आहे. आधुनिक माहिती तंत्रज्ञानाचा प्रभावी वापर करून कार्यक्षम, पारदर्शक, उत्तरदायी आणि सुलभ प्रशासनाची अंमलबजावणी करण्यासाठी आम्ही सातत्याने प्रयत्नशील आहे.

हे संकेतस्थळ विद्यार्थी, पालक, शिक्षक, शिक्षण संस्था, उद्योग क्षेत्र आणि सर्व संबंधित घटकांसाठी शासनाच्या योजना, धोरणे, अधिसूचना, ऑनलाइन सेवा आणि विविध उपक्रमांची विश्वासार्ह माहिती उपलब्ध करून देणारे प्रभावी व्यासपीठ आहे. या माध्यमातून अधिक परिणामकारक, सुलभ आणि पारदर्शक सेवा उपलब्ध करून देण्यात येत आहे.

राज्यातील तंत्रशिक्षणाच्या प्रगतीसाठी योगदान देणारे सर्व अधिकारी, कर्मचारी, शिक्षण संस्था, प्राध्यापक, विद्यार्थी, उद्योग क्षेत्र आणि सर्व हितधारक यांचे मी मनःपूर्वक अभिनंदन व आभार व्यक्त करतो. आपल्या सर्वांच्या सहकार्याने महाराष्ट्रातील तंत्रशिक्षण अधिक सक्षम, नवोन्मेषी, जागतिक दर्जाचे आणि भविष्याभिमुख करण्यासाठी आपण सर्वजण एकत्रितपणे कार्य करूया.

राज्यातील सर्व विद्यार्थी, शिक्षक, शिक्षण संस्था आणि नागरिकांना माझ्या हार्दिक शुभेच्छा. आपल्या विधायक सूचना, सहकार्य आणि सक्रिय सहभागाचे सदैव स्वागत आहे.

डॉ. प्रमोद नाईक,
प्र. संचालक,
तंत्रशिक्षण महाराष्ट्र राज्य